АКШ президенти Жорж Буш кечээ күнү дүйнө жетекчилерине кайрылып, мусулман мамлекеттеринде өтүп жаткан антиевропалык митинг-демонстрацияларды тынчытууга чакырды: "Мен бардык дүйнө мамлекеттерине кайрылып, митинг-демонстрацияларды жана зордукчулукту токтотууга чакырам. Адамдардын өмүрү, чет өлкөдө өз милдетин аткарып жаткан дипломаттар жана мүлк корголууга тийиш", - деди Буш. Европадагы коопсуздук жана кызматташуу уюму дагы кечээ күнү окшош билдирүү менен чыкты. Ооганстанда өткөн митингдер учурунда кечээ күнү дагы төрт адам курман болду.