Президенттик администрациянын башчысы Үсөн Сыдыков Майрам Акаевага каршы доо арыз менен Биринчи май райондук сотуна кайрылды. Бул маалыматты президенттик администрациядан 15-февралда ырасташты. «Белый пароход» маалымат агенттигинин жазуусуна караганда, Майрам Акаеванын «Унчупай кое албаймын» деген макаласында Үсөн Сыдыковдун дарегине айтылган сындарга байланыштуу Сыдыков сотко кайрылган. «Майрам Акаева менин ар-намысыма, беделиме шек келтире турган жалган маалыматтарды коомчулук алдында таратты. Андан мен моралдык зыян тарттым. Зыяндын өлчөмү 41 миллион 200 миң сом деп баалаймын» деп жазылган арызда.
