Президент, же премьер-министр алдында жаштар иштери боюнча мамлекеттик агенттик түзүлүп, бюджеттен ага 10 миллион сом бөлүнүш керек. Мындай сунуш менен бийлик башчыларына кайрылышканын «Эмгек жана биримдик» партиясынын жаштар бөлүмүнүн лидерлери 15-февралда билдиришти. Александр Иванов, Рыскулбек Жумабаевдин билдирүүсүнө караганда, эгерде бийлик жаштар саясатына мына ушундай жол менен реалдуу көңүл бурбаса, анда жаштар саясаты тууралуу сөз кылууну да токтотуу керек. “Жаштар саясаты боюнча биздин иштеп чыккан концепциябыз бар. Мына ошону аткаруу үчүн тийиштүү каражат, шарт, мамлекеттик колдоо керек”,- деп белгилешти жаш лидерлер.
