Пакистан прездиенти Первез Мушарраф бүгүн беш күндүк сапар менен Кытайга келди. Бээжин шаарында ал өлкө төрагасы Ху Цзинтао жана башка жетекчилер менен жолугуп, сүйлөшүү өткөрөт. Кытайдын Тышкы иштер министрлигинин айтымында, эки мамлекет ортосундагы стратегиялык кызматташуу маселелери талкууланат. Пакистан тараптын билдиргенине караганда, өлкөнүн Белужистан провинциясында 15-февралда үч кытайлык инженер өлтүрүлгөнү сүйлөшүү маанайына таасир кылбайт.
