БИШКЕК. Юристтерден, эл аралык уюмдардын өкүлдөрүнөн куралган жумушчу топ эки айдын ичинде «Шайлоо кодексине өзгөртүүлөр жана толуктоолор киргизүү жөнүндөгү» мыйзам долбоорун иштеп чыгат. Мындай маалымат 2005-жылкы жергиликтүү бийликке шайлоонун жыйынтыктарын талкуулаган шаршемби күнкү республикалык конференцияда айтылды. Конференцияда маалымдалганга караганда, жумушчу топ долбоорду даярдоодо 2005-жылы өткөн президентти жана жергиликтүү бийлик башчыларын шайлоо учурундагы өксүктөрдү эске алат. Маселен, өткөн шайлоо өнөктүктөрүндө шайлоочулардын тизмесине, участкалык шайлоо комиссяларын түзүүгө байланыштуу олуттуу проблемалар катталган.