Ал "Европа радиосу- Беларуска" деп аталат. Радионун берүүлөрү 26-февралдан тарта обого чыга баштады. Баш кеңсеси Литванын борбору Вильнюста жайгашкан. Радио Евробиримдиктин Беларустагы көз карандысыз журналисттерди колдоо долбоорунун алкагында ишке киргизилди. 19-мартта өлкөдө президенттик шайлоо өтөт. Азыркы мамлекет башчысы Александр Лукашенко анда президенттигинин үчүнчү мөөнөтүнө калууну көздөп жатат. Беларустун бийлиги оппозицияга күн көргөзбөгөнү, оппозиция өкүлдөрүнүн маалымат каражаттарына чыгуу мүмкүнчүлүгүн чектегени үчүн сынга алынып келүүдө.
