Бээжин шаарында бүгүн Кытай парламентинин кезектеги курултайы башталды, премьер-министр Вен Цзябао анда эки саатка уланган сөз сүйлөдү. Анын айтымында, экономикалык өнүгүүнүн багыты айыл жергесин көтөрүүгө бурулуш керек: "Биз азыр бардык аракеттерибизди - инвестицияларды салуу багытын өзгөртүп, ишканаларды айыл жергесинде куруп, анын инфраструктурасын жакшыртууга жумшаш керекпиз. Бул эң негизги жана эң маанилүү өзгөрүү", - деди Вен. Премьердин айтымында, андай иштерге үстүбүздөгү жылы 42 миллиард доллар сарпталат. Айыл жергесинде Кытайда 800 миллион адам жашайт.
