Балыкчынын жаңы эле дайындалган мэри Султан Кермалиев 12 күндөн кийин кызматтан алынды. Ордуна Президенттин иш башкармалыгынын жетекчиси Каныбек Туманбаевдин бөлөсү Баатырбек Жантаев келди. Орус аскерлери өткөн түнү Украинанын Сумы жана Николаев облустарына дрон жана авиабомбалар менен сокку урду. Бул арада АКШнын Украина боюнча атайын чабарманы Кит Келлог Киевге барды. Мигранттарды телефондон көзөмөлдөй турган атайын программа иштелип жатканын Москва шаарынын мэри Сергей Собянин билдирди. Юристтер бул чаралар жеке маалыматтарды коргоо боюнча мыйзамга каршы келерин эскертүүдө.