БИШКЕК. Премьер-министр Феликс Кулов кечээ Кыргызстан акыйкатчысынын кеңсесинде болуп, анын ишмердүүлүгү менен таанышты. Бул расмий бийликтин март окуясынан кийин омбудсмен кеңсесине жасаган алгачкы сапары болду. Кулов жолугушууда адам укугун коргоо жаатындагы акыйкатчы институтунун маанисин баса белгиледи. Кулов өзү абакта жатканда анын укугун коргоп, таламын талашкан үчүн акыйкатчыга ыраазылык билдирди.
