Бишкек. Бүгүн Баткен облусундагы Кызылкыя шаарында өлкөнүн түштүк аймагында алгачкы ирет курула турган ири цемент заводунун пайдубалын тургузуу аземи өттү. Анда каржы министри Акылбек Жапаров, ишкер Данияр Үсөнөв, Баткен жана ОШ облустарынын администрация башчылары, кытай ишкерлери сөз сүйлөп, курула турган заводдун маанисине токтолушту. Маалыматтарга караганда, бул завод 14 айдын ичинде курулат жана анда жаңы технологиялар иштетилет. Алгач заводдо жылына 1 млн тонна цемент чыгарылат деп күтүлүүдө.
