БИШКЕК. Бүгүн Биринчи май райондук сотунда президенттик администрациянын мурдагы башчысы Мисир Ашыркуловго байланыштуу сот жараяны башталат. 2002-жылы сентябрь айында анын өмүрүнө кол салган делип шектелип камакка алынып, кийин менингиттен каза болгон Таалай Момуновдун бир туугандары сотко кайрылышкан. Алар Таалай Момуновго коюлган айыптарга жана тергөө иштериненин жүрүшүнө макул эместигин билдиришип, соттон аны актоону талап кылышууда.
