Жакында Беларуста үчүнчү жолу президент болуп шайланган Александр Лукашенко бүгүн ант бериши керек эле. Бирок ал инаугурациясын кийинкиге жылдырганын билдирди. Оппозиция лидери Александр Милинкевич: “Өлкөдөгү демонстрациялардан кийин президент үрөйү учуп, эмне кылаарын билбей турат”, - дейт. Президенттик шайлоонун жыйынтыктарына нааразы болгондор бир нече күн бою демонстрация өткөрүштү. Шаршембиде президент эч түшүндүрбөй эле, ант берүү салтанатын кийинкиге жылдырды. Милинкевич президенттин абалы жөнүндөгү жасаган билдирүүсүн азырынча көз-карандысыз тараптар ырасташа элек.