Жакындагы президенттик шайлоодо Александр Лукашенкого башкы атаандаш болгон Александр Милинкевичти Евробиримдиктин учурдагы төрагасы –Австриянын канцлери Вольфганг Шюссель кабыл алат. Беларус оппозициясы 19-марттагы шайлоонун жыйынтыгы одоно бурмаланды деп эсептейт. Евробиримдик жана АКШда мындай ырастоолорду колдоп, Беларус бийлигине каршы дагы санкциялар киргизилээрин жарыялаган. Оппозиция лидери Евробиримдиктин учурдагы төрагасы менен жолугушууда аларды Александр Лукашенконун өкмөтүнө каршы кысымды күчөтүүгө чакырчудай.
