БИШКЕК. Парламент трибунасынан ырасмий түрдө премьер-министр Феликс Кулов менен өкмөттүн отставкасын талап кыла турганын Азаттыкка Жогорку Кеңештин депутаты Дооронбек Садырбаев билдирди. Кыргыз өкмөтү март ыңкылабынан берки жасалган иштери боюнча 20-21-апрелде депутаттар алдында отчет бериши керек. Бул дата 3-апрелдеги сессияда белгиленген. Премьер-министр Феликс Кулов бүгүн министрлерди чогултуп, өкмөттүн парламентте жакында бере турган отчетун талкуулаары күтүлүүдө.