БИШКЕК. Бишкек шаар мэри Арстанбек Ногоев ушул эле күнү шаардык кеңешке нааразылык акцияларын чектөө туралуу сунушун жолдоду. Бирок шаардык кеңеш мындай токтом долбоорун күн тартибине киргизген жок. Шаардык кеңеш мурдагы бийликтин тушунда нааразылык чараларына салынган чектөөнү февраль айында жойгон эле. Ушул эле күнү Бишкектин түштүк кичирайондорунун коомдук өзүн-өзү башкаруусунун башчылары президенттин наамына кайрылуу жолдошуп, митинг, пикеттерге мораторий жарыялоону суранышты.
