БИШКЕК. Бүгүн бүткүл дүйнөлүк ден соолук күнү. Бул күн “Ден соолукту чыңдоо үчүн кадрлардын сапатын жакшыртуу” деген ураан астында өтүүдө. Саламаттыкты сактоо министрлигинин өкүлдөрү бүгүн маалымат жыйынында белгилешкенге караганда, эмгек акынын аздыгынан башка өлкөлөргө кетип жаткан дарыгерлердин саны жылдан жылга көбөйүүдө. Маселен, былтыр 108 дарыгер чет өлкөлөргө биротоло чыгып кетишсе, 920 дарыгер бул кесипти таштаган. Дарыгерлердин жетишсиздиги өзгөчө алыскы аймактарда курч.
