БИШКЕК. Бишкекте социалдык тармактарда иштегендер үчүн көп кабаттуу үйлөр май айында ипотекалык кредиттөөнүн негизинде курула баштайт. Турак-жай федерациясынын президенти Анвар Алдеков «Азаттыкка» билдирген маалыматына караганда көп кабаттуу үйлөр чет өлкөлүк, негизинен Кытай, Россия, Түштүк Кореялык инвесторлордун жардамы менен салынат. Инвестицияларды тартуу иштери турак жай куруу кооперативдери тарабынан жүргүзүлдү. Бүгүнкү күндө Бишкекте Юстиция министрлигинде кырк турак жай куруу кооперативи катталган.
