БИШКЕК. Кечээ бийлик менен оппозициядагы айрым саясатчылардын ортосунда жабык эшик артындагы сүйлөшүү болду. Сүйлөшүүгө премьер-министр, вице-премьер, оппозиция тараптан депутат Өмүрбек Текебаев баштаган айрым саясатчылар катышты. Анда 29-апрелде өтүүчү митингдин талаптары расмий түрдө тапшырылды. Коюлган талаптар боюнча президент Москвадан келген соң сүйлөшүү уланышы мүмкүндүгүн Өмүрбек Текебаев бүгүн «Азаттыкка» билдирди.
