АКШнын коргоо министри Доналд Рамсфелд жана мамлекеттик катчысы Кондолиза Райс кечээ күнү күтүүсүздөн Багдад шаарына келип, Ирактын премьер-министрлигине көрсөтүлгөн Жавад ал-Малики менен жолукту. Маликинин айтымында, ал Ирак элинин бардык катмарларынын кызыкчылыктарын коргогон өкмөт түзүүгө аракеттенүүдө жана америкалык министрлер ага колдоо көрсөттү.