Беларус оппозициясынын жетекчиси Александр Милинкевич кечээ күнү 15 күнгө эркинен ажыратылууга кесилди, ал - 26-апрелде уруксат берилбеген митинг уюштурган деп күнөөлөндү. Аны менен кошо дагы эки оппозициялык саясатчы - Винцук Вячорко жана Александр Бухвостов кесилди. АКШ мамлекеттик катчысы Кондолиза Райс жана Европадагы коопсуздук жана кызматташуу уюму Беларус саясатчыларынын камалганын катуу сынга алды.
