БИШКЕК. Кыргызстанда соңку үч айда эле табигый кырсыктар 22 адамдын өмүрүн алып кетти, ал эми акыркы эки жылда 158 адам набыт болгон. БУУнун иликтөөсүнө караганда, дүйнө жүзү боюнча Кыргызстан табигый кырсык тобокелдиги күчтүү мамлекетке кирет. Ал эми өлкө ичинде мындай коркунуч Ош менен Жалалабат облустарында чоң. Бүгүн БУУнун өнүгүү программасы Чукул кырдаалдар министрлигинин аталган дубандардагы бөлүмдөрүнө техникалык жабдууларды тапшырат.
