БИШКЕК. Бул тууралуу мамлекеттик тил комиссиясынын төрагасы Ташбоо Жумагулов бүгүнкү маалымат жыйынында билдирди. Аталган комиссия өткөн айда тил кербенин уюштуруп, өлкөнүн бардык аймактарын кыдырып чыкты. Мамлекеттик тил тууралуу мыйзамдын аткаруу максатындагы бул иш чаранын алкагында өлкөдөгү 88 миң компьютердин болжол менен 57 миңдейине кыргыз тамгалары орнотулду. Мындан сырткары жергиликтүү бийликтерге бир ай ичинде көрнөк-жарнактарды кыргызчалоо боюнча көрсөтмөлөр берилди.
