Дарфурдагы козголоңчулардын эң ири тобу – Судан боштондук армиясы- өкмөт менен тынчтык келишимине кол койду. Калган эки топ азырынча буга кошулгандан баш тартууда. Улуттар Уюмунун баш катчысы региондо жагдайды жөнгө салганга ыңтайлуу кырдаал түзүлгөнүн белгилеп, бул процессти ыкчамдатып ишке ашыруу зарыл деп билдирди. Дарфурдагы куралдуу жаңжалдан акыркы үч жылда 200 миң адамдын өмүрү кыйылды, 2 миллиондойу качкынга айланды.
