БИШКЕК. Кыргыз коомчулугу 30-майга чейин Конституциянын жаңы долбоору боюнча ой-пикир сунуштарын берип үлгүрүшү керек. Мамлекеттик башкаруунун үч башка түрү боюнча долбоорлорду иштеп чыга турган жумушчу топ өткөн аптада саясий партияларга, атуулдук коомго жана башка чөйрөлөргө ушундай өтүнүч менен кайрылган. Жумушчу топтун жетекчиси Азимбек Бекназаровдун айтымында, мамлекеттик башкаруунун формалары, президенттин шайлануу мөөнөтү, сотторду дайындоо же шайлоо туурабы деген өңдүү негизги суроолор боюнча жумушчу топ коомчулуктун сунуштарын күтүүдө.
