Жоржио Наполитано Италиянын президенти болуп шайланды. 80 жаштагы Наполитано түбөлүккө шайланган сенатор жана солчул демократтардын лидерлеринин бири. Өз учурунда ал Италиянын коммунисттик партиясынын мүчөсү болгон. Жоржио Наполитанонун талапкерлиги парламентке Романо Проди баштаган өлкөдөгү солчул күчтөрдүн коалициясы тарабынан сунушталды. Италияда жаңы президенттик шайлоо мурдагы өлкө башчы Карло Чампинин президенттик мөөнөтү аяктаганга байланыштуу болду.
