БИШКЕК. Атуулдук коом өкүлдөрү мамлекет башчыдан Баткенде 12-майда болгон окуя боюнча көз карандысыз иликтөө жасатууну талап кылышууда. Кечээ бир нече бейөкмөт уюмдар президент Курманбек Бакиевге ушундай кайрылуу жолдоп, кыргыз-тажик чек арасындагы кандуу окуянын кесепеттери үчүн генералдарды жазалоону талап кылышты. "Качанкыга чейин жөндөмсүз аскерий кол башчылардын айынан бейкүнөө аскерлер набыт болот" деген суроо коюлат кайрылууда. Кыргыз-тажик чек арасында 12-майда жоочулардын колунан Кыргызстандын күч органдарынын алты адамы набыт кеткен.