22-майда Жогорку Кеңеш жабык эшик артында жыйын өткөрдү. Анда өлкөдө түзүлгөн кырдаал, айрым күчтөрдүн парламентти таркатуу аракеттери талкууланды. Жыйын соңунда президент Курманбек Бакиев менен кеңешип, бардык бийлик бутактарынын өкүлдөрүнүн катышуусу менен жыйын өткөрүү тууралуу чечим кабыл алынды. Жогорку Кеңештин төрагасы Марат Султановдун айтымына караганда, ал бүгүн президент менен жолугушуп, Жогорку Кеңешти таркатуу аракетинин жүрүшү жана башка маселелер боюнча пикир алышмакчы.
