БИШКЕК. Экс-президент Аскар Акаевдин адвокаты Максим Максимович Москвага биротоло кетип атат. Ал бул маалыматты “Азаттыкка” тастыктап, Аскар Акаев менен түзүлгон келишим 15- майда аяктаганын билдирди. Максим Максимовичтин айтымында, анын Москвага биротоло кайтып келишин Орусия бийлигиндеги расмий адамдар талап кылышкан. “Бирок бул орус бийлигинин Акаевге мамилеси начарлады дегенди билдирбейт” дейт адвокат. Аскар Акаевдин укугун коргогонго учурда Кыргызстандан адвокат изделүүдө, бирок Максимович болсо Москвада туруп Майрам Акаева менен Айдар Акаевдин укугун коргоону уланта бермекчи экен.
