Бириккен Улуттардын баш катчысы Кофи Аннан кечээ күнү Жалпы Ассамблеянын акыркы сессиясында чыгып сүйлөп, мүчө-мамлекеттерди - СПИДке каршы күрөш жүргүзүү үчүн жетиштүү мыйзам кабыл алууга чакырды. Анын айтымында, ооруга чалдыккан адамдардын арасында аялдар жана келиндер саны көбөйүүдө. Бириккен Улуттар жүргүзгөн изилдөө көрсөткөндөй, 2010-жылга карата СПИДке каршы күрөш үчүн жыл сайын 23 миллиард доллар сарпталууга тийиш, азыр жылына 8 миллард 300 миллион доллар коротулат.