Ирандын президенти Махмуд Ахмадинежаддын кечээ күнү билдиргенине караганда, Тегерандын өзөктүк технологияга ээ болушуна Батыштын тоскоолдук түзүүгө укугу жок. Батыш мамлекеттери акыркы күндөрдө бир нече жыйын өткөрүп, эгер Иран уран байытуу иштерин токтотсо, ага бир топ экономикалык жеңилдиктер жана өзөктүк технология да берилет деп билдирген. Иран аятоллаларынын бири Ахмад Хатами дагы кечээ күнү Батыш Иранды коркута албайт деп жарыялдаы. АКШ мамлекеттик катчысы Кондолиза Райстын айтымында, эгер Тегеран өзөктүк технологияларын токтотпосо, ага каршы санкциялар жарыяланышы мүмкүн.
