БИШКЕК. Иш сапардын алкагында Кытай Эл республикасынын төрагасы Ху Цзинтао, мамлекеттик кеңештин премьери Вэнь Цзябао баштаган мамлекеттик жетекчилер менен чакан жана кеңири чөйрөдө жолугушуулар өтөт. Сапар учурунда маданият, спорт, айыл чарба, саламаттык сактоо, билим берүү, техникалык-экономикалык кызматташтык жаатында эки тараптуу макулдашууларга кол коюлары күтүлүүдө. Президент Бакиев расмий сапардын учурунда ШКУнун аткаруучу катчысы Чжан Дегуан менен да жолугушат, 10-июнда кытай ишкерлеринин бизнес форумуна катышып, сөз сүйлөйт. Ошол эле күнү Бишкекке кайтат.
