БИШКЕК. ЕККУнун Бишкек кеңсеси эл аралык эксперттер менен бирдикте Миңкуштагы уу калдыктар көмүлгөн жайларды иликтеп чыгат. Бул тууралуу кечээ ЕККУ менен чукул кырдаалдар министрлиги өткөргөн жыйында айтылды. ЕККУнун Бишкек борборунун башчысы Маркус Мюллердин пикиринде, Борбор Азиядагы коопсуздуктун факторлорунун бири бул экологиялык коркунучтар болуп саналат. Миңкушта совет биримдигинен калган 4 чоң уран калдыктарында көчкү коркунучу сакталууда.
