БИШКЕК. Өткөн айдын 12синде Баткен облусуна Тажикстандан кирип келген куралчан топ менен кагылуушууда колго түшкөн туткундун суракта берген көрсөтмөсүнүн негизинде дагы жети киши кармалган. Аларды суракка алуу учурунда куралдуу кол салууларды уюштуруу тууралуу ниети бар экени аныкталды деп билдирди бүгүн «Азаттыкка» Баткен облустук бийлигинин коопсуздук жана коргонуу бөлүмүнүн башчысы Таштемир Эшалиев. Алардын баары кыргыз атуулдары, учурда сурак иштери уланууда.
