20-июнда президент, прмьер-министр жана өлкөнүн энергетика тармагынын жетекчилери Дүйнөлүк банк баш болгон бир катар эл аралык каржы уюмдарынын өкүлдөрү менен жолугушту. Анда Дүйнөлүк банктын өкүлү Рагувир Шарма «Кыргызстандын энергетика тармагынын өнүгүүсү» деген отчетун тапшырды. Отчетто тармактын абалы сүрөттөлүп, ага инвестиция тартуу, энергетика саясатын жүргүзүү боюнча сунуштар камтылган. Президент жолугушууда Улуттук электр станциялар, Электр тармактар ишканасы жана газ түтүктөрү мамлекеттин колунда калып, калгандары концессияга берилиш керектигин билдирген.
