Депутат Кабай Карабеков сунушу боюнча Лен Хоменюктун маалыматын угуу жөнүндө маселе парламенттин күн тартибине киргизилген болчу. Бирок депутат Болот Шерниязов «Центерра голд компанинин» маалыматын парламентте угуу анын мурунку мыйзамсыз иштерин мыйзамдаштыруу болуп калат деген жүйөө менен каршы чыкты. Ал «Центарра голдду» түзүү мыйзамсыз болгонун далилдеген мурунку парламенттин чечимдерин мисалга келтирди.