БИШКЕК. Бүгүн Жогорку Кеңеш депутаттары Кыргызстан менен Казакстан ортосундагы союздаштык тууралуу келишимди ратификациялады. Бирок, Ысыккөл жээгиндеги төрт пансионат тууралуу маселе келишимдин алкагынан чыгарылды. Парламент мүчөлөрү бул маселе өзүнчө каралыш керек деген пикирде. Ошону менен Жогорку Кеңеш 1-июлдан тарта жайкы каникулга тарап кетти. Кыргыз парламентинин депутаттары 2006-жылдын 1-сентябрында сессияга чогулмакчы.