БИШКЕК. 1-июлдан баштап врачтардын, мугалимдердин жана социалдык тармактарда иштегендердин маянасы 20 пайызга көбөйөт. Бул тууралуу бүгүн президент Курманбек Бакиев медицина кызматкерлеринин кесиптик күнүнө арналган салтанаттуу жыйында билдирди. Бул күнү саламаттык сактоо тармагынын кызматкерлерине мамлекеттик наамдар ыйгарылды. Алыскы аймактардагы ооруканаларга тез жардам автоунаасы берилди.
