Ооганстандын Урузган провинциясындагы кагылышуулардан 40тан ашуун талиб набыт болду. Бул тууралуу Ооганстандагы коалициялык күчтөрдүн командачылыгы билдирди. Соңку маалыматтар боюнча Кандагар провинциясындагы кагылышуудан 19 козголоңчу жана бир канадалык аскер набыт болду. Мамлекеттик катчы Кондолиза Райстын пикиринде, талибтер өлкөнүн түштүк аймактарында активдешкенине карабастан, ооган өкмөтүнө алар чоң коркунучту туудура албайт.
