АКШнын Кыргызстандагы эки дипломаты «мамлекеттин ички ишине киришти» деген негиздеме менен өлкөдөн чыгарылды. Расмий эмес маалыматтар боюнча бул эки дипломат АКШнын атайын кызматтары менен кызматташышат. Мындай дооматтарды четке каккан билдирүүсүн кечээ АКШнын Кыргызстандагы элчилиги тараткан. Билдирүүдө эки дипломаттын кармалышы элчиликти опузалоо жана жарандык коомдун үнүн басуу аракети катары бааланып, АКШ мурдагыдай эле расмий бийлик менен катар эле жарандык коом жана оппозиция менен да кызматташтыгын улантаары белгиленген.
