БИШКЕК. Ишенимдүү булактын маалыматына караганда Кыргызстандагы америкалык аба-аскерий базанын ижара акысын экинчи айлампада талкуулоо кечээ аягына чыккан жок, талкуу жабык жүрүүдө, анын жыйынтыктары келерки дүйшөмбүдө ачыкталышы ыктымал. Биринчи айлампасы Бишкекте июнь айынын башында өткөн. Президент Курманбек Бакиев бул маселеге АКШ маани бербесе, базанын жайгашуусун бир тараптуу токтотууга Кыргызстандын укугу барын эскерткен болчу.
