Узап бараткан жумада Американын Кыргызстандагы элчилигинде иштеген эки дипломаттын өлкөдөн чыгаруу боюнча кыргыз бийлигинин чечими коомчулуктагы талкуунун башкы темасына айланууда. «Азаттыктын» тегрек үстөлүндө «Кыргыз-туракжай» федерациясынын вице-президенти Дүйшөгул Жусупов жана Кыргызстан адам укугун коргоо комитетинин төрагасы Рамазан Дырылдаев ушул маселенин тегерегинде ойлорун ортого салышат. Маекти кабарчыбыз Бакыт Орунбеков алып барат.