Бүгүн Санкт-Петербургда чоң сегиздин саммити өз ишин аяктайт. Анын ишине бул күнү Кытайдын, Индиянын, Бразилиянын, Түштүк Африка Республикасынын жетекчилери, ошондой эле БУУНун баш катчысы Кофи Аннан, Дүйнөлүк банктын президенти Пол Вулфовиц жана МАГАТЭнин башчысы Мохамад Эль-Барадей катышат. Саммитте эл аралык маселелерге байланыштуу бир катар документтерге кол коюлду. Алар глобалдык энергетикалык коопсуздук, билим тармагындагы, ошондой эле эпидемияларга, коррупцияга каршы күрөшүү маселелерине байланыштуу.
