БИШКЕК. Бул тууралуу буйрукка өкмөт башчы Феликс Кулов кол койгонун бүгүн өкмөттүн маалымат кызматынан кабарлашты. Комиссия өкмөттүк «Кыргыз туусу» жана «Слово Кыргызстана» гезиттерин корпоративдик башкаруу ыкмасына которуу иши менен алектенмекчи. Комиссияны өкмөттүн маалымат кызматынын башчысы Медер Имакеев жетектейт. Мамлекеттик маалымат каражаттарын реформалоо маселеси Кыргызстанда былтыркы март ыңкылабынан кийин козголуп, декабрь айында президент Курманбек Бакиев аталган эки гезитти акционерлештирүү боюнча жардыкка кол койгон.
