БИШКЕК. «Оксус» компаниясы кыргыз өкмөтүн сотко берип, кетирилген чыгымдарын кайтаруу талабын кое албайт. Анткени компания курулуш иштерин лицензиясы тартылып алынгандан кийин жүргүзгөн. Бул тууралуу «Кабар» маалымат агенттигинде өткөрүлгөн маалымат жыйынында Геология жана минералдык ресурстар боюнча мамлекеттик агенттиктин башчысы Владимир Зубков билдирди. «Жерүй» алтын кенин иштетүүгө лицензия «Оксус» компаниясына 2002-жылы берилип, бирок кайра тартылып алынган. Учурда өкмөт кенди иштетүүгө «Жерүйалтын» акционердик коомуна уруксат берген.
