БИШКЕК. Кыргызстан Улуттук коопсуздук кызматынын башчысы Бусурманкул Табалдиев Өзбекстан Улуттук коопсуздук кызматынын башчысы Рустам Иноятов менен 24-июлда Фергана шаарында жолугушту. Бул тууралуу Улуттук копсуздук кызматынын жооптуу кызматкери 26-июлда билдирди. Маалыматка караганда, жолугушууда диний-экстремизмге каршы биргелешип күрөшүү, маалымат алмашуу, биргелешкен операцияларды өткөрүү маселелери макулдашылды. Атайын кызматтардын жетекчилеринин жолугушуусу эки өлкөнүн президенттеринин 22-июлда Москвадагы сүйлөшүүлөрүнөн кийин болду.