БИШКЕК. Жогорку Кеңештин депутаты Азимбек Бекназаров башында турган жумушчу топ үч түрдүү бийлик системасына ылайыкташтырылган Конституциянын долбоорлорун жазып бүттү. Бул тууралуу 27-июлда жумушчу топтун мүчөлөрү маалымат жыйынында билдирди. Долбоордо кыргыз улутундагы инсандар кайда болбосун Кыргызстан атуулу боло алаары, кыргыз тилинин мамлекеттик тил статусуна жалгыз ээлиги, Жогорку Кеңеш 75 депутаттан туруп, анын 25 пайызы бир мандаттуу округдардан шайланаары белгиленген. Эми долбоорлор президентке тапшырылып, ал аркылуу Конституциялык кеңешменин кароосуна коюлмакчы.
