Ливан жекшембиде Кана шаарчасында набыт кеткендер үчүн аза күтүү жарыялады. Бул күнү бир да мекеме, банктар жана дүкөндөр иштеген жок. Израил бомбалоосунан каза болгон 60тай адамдын көбү аялдар жана балдар. Израил Ливанда жөнжай тургундардын каза болгонуна терең кайгыраарын ырастады. Бирок ошол эле учурда аскерий операция жүрүп аткан аймактан ливандыктарды чыгып кетүүгө чакырган билдирүү жасады.
