БИШКЕК. 3-августта Бишкек шаардык сотунун чечими менен парламент депутаты, маркум Тынычбек Акматбаевди өлтүргөнгө катышы бар деп эсептелген Рустам Абдулин, Евгений Головин жана Азамат Закиров өлүм жазасына тартылды. Тынычбек Акматбаевдин өлүмүнө тиешеси бар деп күнөөлөнгөн жана кылмыш дүйнөсүнүн лидери делип келген Азиз Батукаев 16 жылга эркинен ажыратылды. Маркум Тынычбек Акматбаевдин өлүмүнө байланыштуу соттук териштирүү бир жыл ичи жүргүзүлдү.
