БИШКЕК. АКШ мамлекеттик катчысынын жардамчысы Ричард Баучердин 10-августка күтүлүп жаткан Кыргызстанга сапарынын максаты тууралуу расмий маалымат таратыла элек. Талдоочулар анын сапарын эки өлкө ортосундагы дипломатиялык мамилелердеги чыңалуулар менен байланыштырышууда. Июль айында Кыргызстандан АКШнын эки дипломаты чыгарылган. Ага жооп иретинде АКШ өз аймагынан кыргызстандык коопсуздук кызматынын терроризмге каршы күрөш боюнча окууда жүргөн алты кызматкерин жана кыргыз элчилигинин эки кызматкерин чыгаруу чечимин чыгарган.
