Быйылкы жылы Кыргыз айыл чарба финансы корпорациясы 711 миллион сомдук насыя берди. 6-айдан 6 жылдык мөөнөткө берилген насыялардын үстөгү 12-15% түзөт. Корпорация быйылкы жылдан баштап 50 миң сомго чейин насыяны жер-жерлерде бере баштады. Бул тууралуу корпорациянын башчысы Малабек Токтоболотов президент менен шаршембидеги жолугушууда билдирген. Жолугушууда корпорацияны Айыл банкына айлантуу маселеси да козголгон.